Öryrki lagði Tryggingastofnun í Hæstarétti

Óheim­ilt er að skerða sér­staka fram­færslu­upp­bót á þeim for­send­um að bótaþegi hafi búið hluta starfsævi sinn­ar er­lend­is. Þetta er niðurstaða Hæstaréttar í máli öryrkja gegn Tryggingastofnun, en dómur var kveðinn upp klukkan tvö í dag. Málið gæti kostað ríkið nokkra milljarða og svo í framhaldinu árlega hundruð milljóna.

Hæstiréttur staðfesti niðurstöðu Héraðsdóms Reykjavíkur sem felldi í síðasta mánuði dóm í máli konu gegn Trygg­inga­stofn­un rík­is­ins vegna þeirr­ar fram­kvæmd­ar stofn­un­ar­inn­ar.

Kon­an hef­ur verið met­in með há­marks­ör­orku (75%) frá 1. mars 2011. Hún er ís­lensk­ur rík­is­borg­ari, fædd og upp­al­in hér á landi en bjó tíma­bundið í Dan­mörku. Í sam­ræmi við lög um al­manna­trygg­ing­ar á fólk rétt á full­um bót­um hafi það búið 40 ár á Íslandi milli 16 og 67 ára ald­urs, en hafi það búið styttra fær það bæt­ur í hlut­falli við bú­setu­tím­ann. Fær kon­an því 78,5% af full­um ör­orku­líf­eyri á Íslandi.

Dómurinn verður birtur á vef Hæstaréttar síðar í dag.

Í málskotsbeiðninni kemur fram:

Leyfisbeiðandi byggir á því að niðurstaða málsins sé fordæmisgefandi fyrir öll önnur sambærileg tilvik þar sem einstaklingur hefur búið í öðru landi en nýtur ekki neinna eða lágra lífeyrisgreiðslna þaðan. Feli dómur Landsréttar í sér endanlega niðurstöðu um ágreiningsefnið gæti hann þurft að greiða allt að fjóra milljarða króna til um það bil tvö til þrjú þúsund einstaklinga auk þess sem árlegar greiðslur myndu hækka um sex til sjö hundruð milljónir króna.

mbl.is