Vigdís segir Sigurð hafa beðist afsökunar

Vigdís Häsler Sveinsdóttir, framkvæmdastjóri Bændasamtaka Íslands, segist hafa hitt Sigurð Inga Jóhannsson, innviðaráðherra og formann Framsóknarflokksins í dag. 

Frétt af mbl.is

„Afar særandi ummæli látin falla“

Þau hafi átt „hreinskilið, heiðarlegt og opið samtal,“ en Vigdís birti færslu á samfélagsmiðlum rétt undir hádegi.

Segist hún hafa meðtekið afsökunarbeiðni Sigurðar og hafi upplifað hana sem einlæga. Málinu sé lokið af hennar hálfu. 

Færsla Vigdísar: 

„Í dag hittumst við Sigurður Ingi og áttum hreinskilið, heiðarlegt og opið samtal. Ástæður fundarins þarf vart að tíunda en á fundinum bar Sigurður fram að mínu mati einlæga afsökunarbeiðni sem ég hef meðtekið. Ég lít svo á að með þessum fundi okkar sé komið að málalokum og sannanlega er þessu lokið af minni hálfu.“

Frétt af mbl.is

Sigurður Ingi: „Mér verður á eins og öðrum“

• Blogga um frétt