Upptökur úr öryggismyndavélum sumarbústaða við Þingvallavatn nýtast rannsóknarnefnd samgönguslysa við rannsókn á flugslysinu sem varð við vatnið í febrúar síðastliðnum. Fjórir karlmenn voru um borð í vélinni og létust þeir allir.

Frétt af mbl.is

Rafbúnaður um borð í vélinni

Þetta segir Ragnar Guðmundsson hjá rannsóknarnefnd flugslysa í samtali við mbl.is. Gögn úr eftirlitsmyndavélum geti þó aldrei ein og sér varpað ljósi á það sem gerðist. „Það er ákveðið innlegg,“ segir Ragnar.

„Það er eitt innlegg í málið en varpar aldrei heildarljósi á það. Það gefur ákveðnar upplýsingar en svo þurfum við fleiri púsluspil.“

Ekki farnir að rífa mótor í sundur

Vélin var hífð upp úr vatninu á föstudagskvöld og hélst í heilu lagi meðan á aðgerðunum stóð. Í kjölfarið var hún flutt í skýli rannsóknarnefndar samgönguslysa. Sjáanlegt ástand vélarinnar virtist þá gott, fyrir utan neðri vélarhlífina sem var illa skemmd. Þá virtist hreyfillinn nokkuð heill.

Frétt af mbl.is

Hífa upp hluti úr vélinni

Ragnar er ekki tilbúinn að tjá sig á þessar stundu hvort unnið sé með einhverjar ákveðnar kenningar um hvað gerðist. Hvort mögulega bilun hafi átt sér stað eða drepið hafi verið á vélinni.

„Við erum ekki farnir að rífa neinn mótor í sundur eða neitt slíkt, það er því alltof snemmt að segja.“

Þá bendir Ragnar á að vélin hafi farið í vatn og því sé margt sem geti haft áhrif.

Tengdar fréttir

Flugslys við Þingvallavatn

Á rétt á upplýsingum um flugmann vélar sem fórst

• Farþegi hringdi á Neyðarlínuna er slysið varð
• Með umfangsmestu aðgerðum seinni ára
• Rafbúnaður um borð í vélinni
• Vélin lítið skemmd

» Fleiri tengdar fréttir

• Blogga um frétt