Hópuppsögn ekki dregin til baka
Setja bókamerki
Tillaga um að hópuppsögn á skrifstofu Eflingar yrði dregin til baka var felld með 152 atkvæðum gegn 106 á félagsfundi stéttarfélagsins sem haldinn var í kvöld.
Fundurinn var boðaður seint á sunnudagskvöld eftir að tæplega fimm hundruð félagsmenn stéttarfélagsins knúðu fram fundinn til að mótmæla ákvörðun stjórnar Eflingar um að reka allt starfsfólk skrifstofu félagsins.
Þrír skiluðu auðu í atkvæðagreiðslu um tillöguna, sem hljómaði svo:
„Félagsfundur Eflingar-stéttarfélags, æðsta vald félagsins á milli aðalfunda, afturkallar hópuppsögn þá og allar aðrar uppsagnir sem samþykktar voru af stjórn félagsins þann 11. apríl sl. og tilkynntar nokkru síðar. Fundurinn samþykkir jafnframt að stjórn félagsins skuli svo fljótt sem verða má, leggja fyrir félagsfund áætlun sína um breytt skipulag á skrifstofu félagsins og hvernig þeim breytingum skuli hrint í framkvæmd. Sá fundur skal boðaður með einnar viku fyrirvara hið minnsta og tillögur stjórnar kynntar samhliða fundarboði.“
Ofsóttur innan veggja Boeing
Aukin tíðni þungunarrofa hjá yngsta aldurshópnum
Benda á Samgöngustofu sem bendir út í heim
/frimg/9/40/940831.jpg)
Telur eyðsluna munu rjúka upp úr öllu valdi
Hafa samþykkt kaup fyrir um 9,2 milljarða
Fjárfestingin 115 milljarðar króna
Kveðst tala af virðingu: „Ég er enginn dóni“