Ríkisstjórnin myndi falla ef gengið yrði til kosninga í dag, ef mark er tekið á nýrri könnun sem Prósent framkvæmdi fyrir Fréttablaðið. Í henni mælast stjórnarflokkarnir samanlagt með 39,9 prósenta fylgju og fengju 26 menn kjörna á þing. Myndi ríkisstjórnina því skorta sex þingmenn upp á að mynda ríkisstjórn.

Sem stendur hefur ríkisstjórnin 38 manna meirihluta. 

Sjálfstæðisflokkurinn tapar mestu fylgi, samkvæmt könnuninni. Hann mælist nú með 17,9% fylgi sem er litlu meira en Samfylkingin mælist með annars vegar og Píratar hins vegar. Sjálfstæðisflokkurinn hlaut 24,4% atkvæða í kosningunum síðasta haust en fylgi Samfylkingarinnar og Pírata var þá undir 10 prósentum. 

Þá hefur fylgi Framsóknarflokksins dalað og er nú fimm prósentum lægra en í kosningunum eða 12,4 %. 

Vinstri græn tapa þriggja prósenta fylgi og mælast nú með 9,6 prósenta fylgi.

Um 1750 manns svöruðu könnuninni.

Tengdar fréttir

Alþingi

Fullur kraftur settur í borgarlínuna

• Stjórnarflokkar þrefa enn um bæði menn og málefni
• „Ekki ástæða til þess að snúa öllu á hvolf“
• Vilja að dagskrá þingfundarins verði breytt
• Fjármálaáætlunar von í næstu viku

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: ÆTTI EKKI AÐ KOMA NEINUM Á ÓVART..................