Ekki mætt á borgarstjórnarfundi í tvo og hálfan mánuð
Setja bókamerki
Hildur Björnsdóttir, borgarfulltrúi Sjálfstæðisflokksins í Reykjavík, hefur ekki verið viðstödd borgarstjórnarfundi frá því 15. febrúar.
Þetta má sjá ef fundargerðir borgarstjórnar eru skoðaðar. Vísir greinir frá, en í samtali við miðilinn kveðst Hildur einfaldlega hafa verið með fangið fullt við að sinna framboðinu sem hún leiðir, en hún skipar fyrsta sæti á lista sjálfstæðismanna í borginni í komandi sveitarstjórnarkosningum.
Hún tekur þó fram að varamaður hafi verið kvaddur inn í hennar stað.
Hildur, sem situr í ýmsum ráðum og nefndum á vegum borgarinnar, hefur einnig látið sig vanta á fundi skóla- og frístundaráðs frá því í lok febrúar, fyrir utan einn sem hún sat í gegnum fjarfundarbúnað. Þá hefur hún mætt á fundi borgarráðs í gegnum fjarfundarbúnað.
Fylgið undir 20 prósentum
Laun Hildar sem borgarfulltrúa nema ríflega 1,4 milljónum króna á mánuði. Þar af eru 223 þúsund sem fást fyrir setu í borgarráði og 223 þúsund fyrir setu í þremur nefndum.
Fylgi Sjálfstæðisflokksins í Reykjavík er komið niður fyrir 20 prósent, samkvæmt niðurstöðum könnunar sem Prósent framkvæmdi fyrir Fréttablaðið í lok apríl.
Verði úrslit sveitarstjórnarkosninganna 14. maí á þá leið tapar flokkurinn þremur borgarfulltrúum og fengi fimm kjörna.
„Búið að vera í dreifingu í einhvern tíma“
Myndskeið: Segjast hafa skotið niður sprengjuflugvél
Hafa „ágætis tíma“ til úrbóta
Hæstiréttur staðfestir vanhæfi alls Landsréttar
Unnu að fullum heillindum að kaupum á TM