Gísli Hauksson, fyrrverandi forstjóri og annar stofnandi GAMMA Capital Management, hefur játað að hafa beitt fyrrverandi sambýliskonu sína ofbeldi fyrir tveimur árum.
Ríkisútvarpið greinir frá.
Samkvæmt upplýsingum mbl.is fer saksóknari í málinu fram á tveggja mánaða skilorðsbundinn dóm yfir Gísla.
Í ákæru kemur fram að Gísla sé gefið að sök að hafa ítrekað tekið fyrrverandi sambýliskonu sína kverkataki, skellt henni utan í vegg og þrengt að hálsi hennar svo hún átti erfitt með andardrátt og féll í gólfið.