Þenslu hefur orðið vart á nýjan leik norðan Grindavíkur, við Þorbjörn og Svartsengi. 

Landrisið kemur fram á GPS-mælum Jarðvísindastofnunar Háskóla Íslands sem staðsettir eru á Þorbirni, Skipastígshrauni og Eldvörpum. 

Mælirinn á Þorbirni sýnir 20 til 30 millimetra ris síðan um mánaðamótin. Slík þensla getur orsakað aukna spennu á skaganum og ýtir undir aukna skjálftavirkni, að því sem kemur fram í tilkynningu Eldfjalla- og náttúruvárhóps Suðurlands.

Hreyfing sést einnig á GPS-stöðvum fjær Svartsengi í kjölfar þenslunnar sem er nú í gangi.

Frétt af mbl.is

Þessi skjálftavirkni bara byrjunin

500 skjálftar á tveimur sólarhringum 

Nokkur aukning hefur verið í fjölda skjálfta síðustu daga og hafa sex skjálftar mælst yfir þrjú stig að stærð, síðastliðinn rúma sólarhringinn. Flestir þeirra hafa mælst vestast á Reykjanesskaganum.

Þá hafa um 500 skjálftar verið skráðir í sjálfvirkt mælakerfi Veðurstofunnar síðustu 48 klukkustundir. 

Frétt af mbl.is

Stærsti skjálfti sem mælst hefur á þessu svæði

Tengdar fréttir

Eldvirkni á Reykjanesskaga

Gígbarmurinn hækkað frá því í gær

• Helmingur umsókna samþykktur fyrir vikulok
• „Hvílir mikil leynd yfir þessu öllu“
• Grindavíkurvöllur vinsæll meðal ferðamanna
• Duster-bifreiðin farin úr hrauninu

» Fleiri tengdar fréttir

• Blogga um frétt