Finna ekki skip í stað Baldurs

Ekki hefur tekist að finna skip í stað Breiðafjarðarferjunnar Baldurs þrátt fyrir mikla leit. Búið er að framlengja samning um áframhaldandi siglingar ferjunnar.  

Þetta sagði Sigurður Ingi Jóhannsson innviðaráðherra í svari við fyrirspurn Sigurðar Páls Jónssonar, þingmanns Miðflokksins, á Alþingi um stöðu mála þegar kemur að Baldri.

Frétt af mbl.is

Nýr Baldur sigli á Breiðafirðinum

Sigurður Páll sagði öryggismál ferjunnar í ólagi og skipið ekki samboðið þeirri þjónustu sem farið er fram á. Ef smíða eigi nýtt skip sé ekki boðlegt að núverandi ferja sé í rekstri þau ár sem það tekur, því hún sé orðin gömul og úr sér gengin. Finna þurfi skip í millitíðinni.

Sigurður Ingi Jóhannsson. mbl.is/Kristinn Magnússon

Sigurður Ingi sagði skip sem væri hægt að nota í millitíðinni ekki hafa fundist þrátt fyrir ítrekaða leit. Herjólfur III gæti siglt í staðinn á meðan verið væri að smíða nýja ferju. 

Frétt af mbl.is

„Ekki fyrsta val að segja samningnum upp“

Sigurður Páll kvaðst eiga bágt með að trúa að ekki finnist skip og hvatti fólk á vegum ráðherra til að reyna betur. „Herjólfur gamli er ágætis skip en það er líka gamalt og lúið, “ sagði hann og talaði um neyðarlendingu í þeim efnum.

• Blogga um frétt