Norðurland eystra er með yfirburðastöðu eftir fyrri dag Niceair kjördæmamótsins í bridge.
Á heimasíðu Bridgesambands Íslands segir að mikið þurfi til í síðustu þremur umferðum mótsins svo að nokkur önnur sveitarfélög ógni sigri sveitar Norðurlands eystra. Sextán spilarar eru í hverri sveit.
„Aðal spennan á mótinu er um 2.sæti þar sem sveitir Suðurlands, Reykjanes og Vestfirði eru nánast jafnar,“ segir á vef Bridgesambandsins.
Staðan eftir fjórar umferðir er þessi:
Norðurland Eystra með 224,79 stig
Suðurland með 176,09 stig
Reykjanes með 172,68 stig
Vestfirðir með 172,29 stig
Reykjavík með 149,84 stig
Vesturland með 129,65 stig
Norðurland Vestra með 127,6 stig
Austurland með 127,06 stig