Mótmælt var í dag fyrir utan rússneska sendiráðsbústaðinn við Túngötu í miðbæ Reykjavíkur.
Margir þeirra sem söfnuðust saman báru fána Úkraínu. Áður hafa farið fram mótmæli fyrir utan rússneska sendiráðið en það eru skrifstofur sendiherrans.
Þar sem þessi mótmæli fóru fram yfir helgi var ákveðið að safnast saman utan við sendiráðsbústaðinn.
Lögregla var með viðbúnað vegna mótmælanna, sem fóru friðsamlega fram en lokað var fyrir umferð um Túngötu.