Töluvert hefur dregið úr jarðskjálftavirkni á Reykjanesskaganum undanfarna sólarhringa, samanborið við dagana á undan, að því er kemur fram í færslu Eldfjalla- og náttúruváshóps Suðurlands á Facebook.

Segir jafnframt að mesta virknin síðan síðustu helgi hafi verið á afmörkuðu svæði norðan Grindavíkur. Þá hefur aðeins einn jarðskjálfti náð þremur að styrk síðustu tvo daga.

Frétt af mbl.is

Skjálfti af stærð 3,5 við Grindavík

Aftur á móti segir að ekkert lát sé á landrisi á svæðinu miðað við GPS mælingar jarðvísindadeildar HÍ þrátt fyrir minni jarðskjálftavirkni.

„Landris við Þorbjörn er stöðugt og hefur fjallið ný risið um 50-60 mm síðan yfirstandandi umbrotahrina hófst. Sama þróun er að sjá á öðrum GPS mælum á svæðinu, t.d. Skipastígahrauni, Eldvörpum og Grindavík,“ segir í færslunni.

Frétt af mbl.is

Ný gögn sýna glöggt það ris sem á sér stað

Tengdar fréttir

Eldvirkni á Reykjanesskaga

„Var jákvæð en er núna reið, fúl og pirruð“

• „Maður sefur ekki á næturnar“
• Kvikan virðist nú skiptast til helminga
• Segir Þórkötlu reyna að slá mótmæli niður
• Hafa samþykkt kaup fyrir um 9,2 milljarða

» Fleiri tengdar fréttir

• Blogga um frétt