Minnst 331 vísað úr landi á tímum Covid-19
Setja bókamerki
Stoðdeild ríkislögreglustjóra hafði milligöngu að 194 brottvísunum í fyrra, 137 árið 2020 en 319 árið 2019, árið áður en heimsfaraldurinn Covid-19 skall á.
Þá hafði stoðdeild ríkislögreglustjóra milligöngu að 304 brottvísunum árið 2018 og 534 árið 2017.
Þetta kemur fram í skriflegu svari Gunnars H. Garðarssonar, samskiptastjóra ríkislögreglustjóra, til mbl.is en hann gat ekki gefið upplýsingar um skiptinguna á milli þess sem að fólk fór sjálft úr landi eða í fylgd með lögreglu að svo stöddu.
Líkt og mbl.is hefur greint frá stendur til að vísa tæplega 200 manns úr landi.
Greint var frá því í síðustu viku að um 250 einstaklingar sem höfðu fengið synjun á umsókn um alþjóðlega vernd dvöldu enn hér á landi, án heimildar, því ekki hafi verið hægt að vísa þeim úr landi vegna þess að þeir hafi neitað að undirgangast sóttvarnareglur móttökuríkjanna.
Nú hafa fjöldmörg lönd afnumið reglur um sóttvarnir á landamærum sínum, svo sem kröfur um framvísun vottorðs um bólusetningu gegn Covid-19 eða neikvæða sýnatöku.
Því er nú hægt að vísa fleirum úr landi.
Myndskeið: „Fólk var komið ískyggilega nálægt“
Myndir: Reynir við heimsmet í Hlíðarfjalli í dag
„Þetta er pínu óvanaleg staða“
Sáttur við sína stöðu og finnur fyrir meðbyr
Katrín: Jóhönnustjórnin talaði máli Íslands
„Mér finnst Halla Hrund svona Vigdísarleg“
Áköf mótmæli í bandarískum háskólum