Ákveðið var á fundi þjóðaröryggisráðs í gær að setja á laggirnar viðbragðsteymi ráðuneytisstjóra vegna jarðhræringa á Reykjanesi og mögulegra eldsumbrota þar.

Þetta kemur fram á facebook-síðu Katrínar Jakobsdóttur forsætisráðherra.

Teyminu verður falið að útfæra skipulag um viðbúnað og samhæfingu sem tryggi aðkomu þeirra stofnanna sem í hlut eiga, sveitarfélaga og fleiri aðila.

Grindavík. Fjallið Þorbjörn vinstra megin í bakgrunni. mbl.is/Kristinn Magnússon

„Stjórnvöld fylgjast vel með stöðunni nú sem endranær og reynslan frá því í fyrra þegar jarðhræringarnar í Geldingadölum enduðu með eldgosi í Fagradalsfjalli býr með okkur,“ skrifar Katrín.

Hún segir óvissuna óþægilega, eins og þau sem finni fyrir tíðum skjálftum þekki best. 

„Stjórnvöld, í góðu samstarfi með almannavörnum og fleiri aðilum, leggja kapp á að tryggja öryggi fólks, heimili og samfélagslega innviði kæmi til þess að jarðhræringarnar sem nú standa yfir enduðu með gosi.“

Tengdar fréttir

Eldvirkni á Reykjanesskaga

„Var jákvæð en er núna reið, fúl og pirruð“

• „Maður sefur ekki á næturnar“
• Kvikan virðist nú skiptast til helminga
• Segir Þórkötlu reyna að slá mótmæli niður
• Hafa samþykkt kaup fyrir um 9,2 milljarða

» Fleiri tengdar fréttir

• Blogga um frétt