Karlmaður á þrítugsaldri var í dag úrskurðaður í gæsluvarðhald til fyrsta júlí á grundvelli almannahagsmuna sem og rannsóknarhagsmuna, að kröfu lögreglunnar á höfuðborgarsvæðinu, vegna manndráps í austurborginni í gærkvöldi.

Klukkan hálf átta í gærkvöldi fékk lögregla tilkynningar um yfirstandandi líkamsárás fyrir utan hús í austurborginni. Þegar lögregla og sjúkralið komu á vettvang var maðurinn meðvitundarlaus og andaði ekki.

Frétt af mbl.is

Mennirnir sagðir hafa verið nágrannar

Nágrannar

Strax voru hafnar endurlífgunartilraunir á manninum en þær báru ekki árangur. Sakborningur var á staðnum og var hann þegar handtekinn og fluttur á lögreglustöð.

Sakborningur og hinn látni voru nágrannar en ekki er talið að þeir tengist að öðru leyti, að því sem fram kemur í tilkynningu lögreglu.

Rannsókn málsins er á viðkvæmu stigi og getur lögregla því ekki tjáð sig frekar um málsatvik að svo stöddu.

Tengdar fréttir

Manndráp í Barðavogi

Systkinin fá engar bætur eftir dóm Landsréttar

• Landsréttur staðfesti 16 ára dóm yfir Magnúsi
• Magnús Aron áfrýjar til Landsréttar
• Þungur dómur miðað við aldur Magnúsar
• Magnús Aron fékk 16 ára dóm í Barðavogsmáli

» Fleiri tengdar fréttir

• Blogga um frétt