Eldur kom upp í kvöld inni á milli hitaveitutankanna á Grafarholti í Reykjavík. Svo virðist sem eldurinn hafi kviknað í tækjabúnaði sem hefur líklega verið notaður við að viðgerð á tönkunum.
Þetta segir Kristján Sigfússon, varðstjóri stoðdeildar hjá slökkviliði höfuðborgarsvæðisins.
Töluverður svartur reykur steig upp af svæðinu og voru því bílar frá öllum stöðvum slökkviliðsins sendir á svæðið.
Að minnsta kosti þrír bílar eru á vettvangi og vinnur slökkviliðið nú að því að sprauta froðu á eldinn. Að sögn Kristjáns hefur að mestu leyti náð að slökkva eldinn og er enginn í hættu.
Ekki er vitað hvernig eldurinn kviknaði.
Fréttin hefur verið uppfærð.