Fjölskylda Johns Snorra Sigurjónssonar biðlar til fjallgöngufólks að taka ekki myndir af líki hans þar sem það liggur á fjallinu K2 í Pakistan. Þetta kemur fram í yfirlýsingu frá fjölskyldunni til þeirra sem eru á fjallinu núna.

John Snorri fannst látinn á K2 í júlímánuði í fyrra. Hann lagði af stað á toppinn í upphafi síðasta árs.

„Fjölskyldan yrði þakklát fyrir það ef engin myndbönd né ljósmyndir yrðu teknar af líki Johns,“ segir í yfirlýsingunni.

Þar óskar fjölskyldan þess að ef myndefni er af einhverri ástæðu tekið sé haft samband við fjölskyldu Johns Snorra til þess að óska leyfis ef birta á efnið.

„Þetta eru okkar einlægu óskir.“

Frétt af mbl.is

Fjölskylda Johns Snorra þakkar fyrir stuðninginn

John Snorri verði grafinn með vinum sínum

Í yfirlýsingunni er farið yfir þá möguleika sem eru í stöðunni varðandi hinstu hvílu Johns Snorra. Fjölskyldan kýs að hann verði hann færður og grafinn þar sem vinir hans og fjallgöngumennirnir Ali Sa­dp­ara og Jaun Pablo eru grafnir. Að öðrum kosti sé hann færður frá gönguleiðinni þangað sem hann sést ekki.

Frétt af mbl.is

Síðasta myndin úr myndavél Johns Snorra

„Fyrir mig og fjölskyldu mína sneri missirinn heiminum á hvolf og við þurftum sem fjölskylda tíma til að ræða tilfinningar og hugsanir okkar um hvað væri best að gera. Einnig hvað er hægt að gera á öruggan máta gagnvart öllum þeim sem hafa boðið okkur aðstoð sína,“ segir í yfirlýsingunni sem Lína Móey Bjarnadóttir, ekkja Johns Snorra, sendi út fyrir hönd fjölskyldunnar.

Einnig kemur fram að fjölskyldan hafi í fyrra beðið um að reipi sem John Snorri hékk í yrði ekki skorið. 

Tengdar fréttir

John Snorri

Segir frásögn norsku fjallgöngukonunnar uppspuna

• Beðin að klippa á taug Johns Snorra
• Snjóflóðahætta fólgin í að færa lík Johns Snorra
• Ekki tókst að færa John Snorra
• Fundar með forsetanum á morgun

» Fleiri tengdar fréttir

• Blogga um frétt