Skólastarf í Fossvogsskóla í haust
Setja bókamerki
Kennsla hefst í haust í Fossvogsskóla, samkvæmt upplýsingum frá Reykjavíkurborg. Framkvæmdirnar í skólanum eru sagðar svo umfangsmiklar að við liggur að verið sé að byggja nýjan Fossvogsskóla á gömlum grunni.
Þetta kemur fram í Morgunblaðinu í dag, þriðjudag.
Vinnu við endurnýjun skólans miðar vel og allir sem koma að framkvæmdinni eru meðvitaðir um að skólastarfið verði samkvæmt stundatöflu sem hefst 22. ágúst. Starfsfólk mætir 15. ágúst.
Einhverjir verklegir þættir munu ekki klárast fyrir opnun skólans. Það er vegna sérpantana frá birgjum, t.d. vegna lausra innréttinga í kennslustofur og fleira þess háttar.
„Skólastjórnendur eru meðvitaðir um þá stöðu og verður eldri búnaður sem hefur verið í notkun í Korpuskóla notaður til að byrja með. Þannig að það er ekki vandamál,“ segir í svari borgarinnar.
Lesa má nánar um málið i Morgunblaðinu í dag.
Handteknir eftir myndatöku í Vesturbæjarlaug
Eyjafjarðarbraut lokað vegna alvarlegs umferðarslyss
„Á réttri leið en nokkuð í land ennþá“
Skar höfuðleðrið af íslenskri konu
Verðbólgan komin niður í 6%
Tóku upp hanskann fyrir leikskólabörn
Handtekin eftir að tvö börn fundust látin
Vélsleðaslys: Þyrlan kölluð út á mesta forgangi