„Skilin sem gengu yfir landið í gær eru nú komin norður fyrir land og í dag verða sunnan 8-15 m/s og skúrir, en lengst af þurrt og bjart veður á norðaustanverðu landinu.“
Þetta segir í hugleiðingum veðurfræðings hjá Veðurstofu Íslands.
Seinnipartinn kemur næsta lægð inn á Grænlandshaf og þá færist úrkomubakki inn yfir sunnanvert landið með samfelldri rigningu. Hiti á bilinu 9 til 17 stig, hlýjast norðaustanlands.
Í fyrramálið verður lægðin skammt vestur af landinu. Þá verður suðlæg átt eða breytileg, kaldi eða strekkingur og allvíða talsverð rigning, en um og eftir hádegi dregur úr úrkomuákefðinni.
Á Austurlandi verður orðið þurrt að mestu á og þá bætir í vind við suðausturströndina.