Nokkur fjöldi fólks hefur lagt leið sína að gosstöðvunum í Meradölum í dag, þrátt fyrir að lögregla hafi lokað fyrir aðgengi að þeim. 

„Á einhverju tímabili þá tókst fólki að komast inn á þessar gönguleiðir og eru inni á svæðinu þar sem engir viðbragðsaðilar eru núna,“ segir Gunnar Schram yfirlögregluþjónn í samtali við mbl.is.

„Við erum ekki með viðbragðsaðila upp á fjalli, eins og væri ef að svæðið væri opið,“ bætir hann við.

Frétt af mbl.is

Loka gosstöðvunum þangað til á morgun

Ekkert ferðaveður

Gunnar segist halda að flestir sem séu á staðnum séu erlendir ferðamenn, en allir sem koma inn á svæðið fá sms-skilaboð um slæm veðurskilyrði á bæði íslensku og ensku.

„Það var varla stætt fyrir björgunarsveitarmenn sem fóru þarna rétt fyrir hádegi að gosstöðvunum. Það er gjörsamlega ekkert ferðaveður,“ segir Gunnar. 

Hann segir að lögreglu- og björgunarsveitarmenn muni halda áfram að standa vaktina við upphaf gönguleiðarinnar og ráðleggja fólki að fara ekki áleiðis. 

„Við erum að vinna með ástandið eins og það er núna. Við höldum áfram að ráðleggja fólki að fara ekki.“

Tengdar fréttir

Ferðamenn á Íslandi

Ferðaþjónusta aldrei vegið þyngra í landsframleiðslu

• Innviðir komnir að þolmörkum
• „Var lengi vel eini vinur ferðaþjónustunnar“
• „Hækkun VSK á ferðaþjónustu er þjóðhagslegt óráð“
• Mikill áhugi ferðamanna á þyrluflugi

» Fleiri tengdar fréttir

Eldvirkni á Reykjanesskaga

„Var jákvæð en er núna reið, fúl og pirruð“

• „Maður sefur ekki á næturnar“
• Kvikan virðist nú skiptast til helminga
• Segir Þórkötlu reyna að slá mótmæli niður
• Hafa samþykkt kaup fyrir um 9,2 milljarða

» Fleiri tengdar fréttir

• Blogga um frétt