Áfram verður lokað fyrir aðgengi að gosstöðvunum í Meradölum í dag vegna veðuraðstæðna en veðurútlit fyrir svæðið er ekki gott. Er stefnan sett á að opna svæðið aftur klukkan 10 í fyrramálið á morgun, að því er fram kemur í tilkynningu lögreglustjórans á Suðurnesjum.

Á meðan svæðið er lokað verður tíminn nýttur í að lagfæra gönguleið A upp að eldgosinu, en það er sú gönguleið sem almannavarnir mæla með að fólk fari. Þá verður einnig unnið að öðrum lagfæringum á svæðinu.

Frétt af mbl.is

Óljóst hvenær opnað verður fyrir gossvæðið

Lokað var fyrir aðgengi að gosstöðvunum í gær. Gul viðvörun vegna veðurs tók gildi klukkan níu um morguninn á bæði Suðurlandi og í Faxaflóa og var versta veðrið meðfram suðurströndinni, frá Vestmannaeyjum og að Reykjanesskaganum. 

Viðvörunin var í gildi til klukkan 15 en tekin var ákvörðun um að halda svæðinu áfram lokuðu út daginn. Sú lokun hefur nú verið framlengd.

Frétt af mbl.is

Auka stikur og skilti fóru upp í gær

Tengdar fréttir

Eldvirkni á Reykjanesskaga

„Var jákvæð en er núna reið, fúl og pirruð“

• „Maður sefur ekki á næturnar“
• Kvikan virðist nú skiptast til helminga
• Segir Þórkötlu reyna að slá mótmæli niður
• Hafa samþykkt kaup fyrir um 9,2 milljarða

» Fleiri tengdar fréttir

• Blogga um frétt