Gosstöðvarnar opnaðar í dag

Björgunarsveitir hafa staðið vaktina við gosstöðvarnar í Meradölum síðustu daga.
Björgunarsveitir hafa staðið vaktina við gosstöðvarnar í Meradölum síðustu daga. mbl.is/Hákon Pálsson

Ákveðið hefur verið að opna aftur fyrir aðgengi almennings að gosstöðvunum. Þetta kemur fram í tilkynningu frá lögreglustjóranum á Suðurnesjum.

„Þeim sem hyggjast ganga að gosstöðvunum er ráðlagt að búa sig vel áður en lagt er af stað,“ segir í tilkynningunni.

Unnið hefur verið að lagfæringum og merkingum á gönguleið A, sem er vinsælasta leiðin að gosstöðvunum.

Almannavarnir funduðu í morgun klukkan hálfníu um aðstæður við gosstöðvarnar í Meradölum. Lokað hefur verið við gosstöðvarnar frá því á sunnudag.

mbl.is