Gönguleið A, við gosstöðvarnar í Meradölum, verður lokuð frá því klukkan fjögur í nótt til klukkan níu í fyrramálið. 

Á þessum tíma er fyrirhugað að halda áfram að lagfæra leiðina og gera hana greiðfærari almenningi. Á meðan á þessum framkvæmdum stendur er fólk beðið að nota gönguleið C, vilji það gera sér ferð upp að eldgosinu. 

„Göngufólk er vinsamlegast beðið um að fara eftir þessum fyrirmælum en þannig geta þeir sem vinna að framkvæmdunum nýtt tímann til fulls í því skyni að gera leið A enn betri,“ segir í tilkynningu frá lögreglunni á Suðurnesjum. 

Tengdar fréttir

Eldvirkni á Reykjanesskaga

Skelfur í kringum landið

• „Erum á stað sem við höfum ekki séð áður“
• Um níutíu skjálftar í hrinunni
• Skila lyklum til eigenda fasteigna
• Jarðskjálftahrina hafin á Reykjanesskaga

» Fleiri tengdar fréttir

• Blogga um frétt