Árásarmennirnir undir tvítugu

Drengirnir eru undir tvítugu.
Drengirnir eru undir tvítugu. mbl.is/Eggert

Allir aðilar að stunguárás er varð við Ingólfstorg í nótt eru undir tvítugu. Þrír voru handteknir og einn fluttur á slysadeild eftir að hafa verið stunginn í bakið með hníf.

Þetta staðfestir Jóhann Karl Þórisson, aðstoðaryfirlögregluþjónn hjá lögreglunni á höfuðborgarsvæðinu. 

Ekki fengust nánari upplýsingar um ástand drengsins. 

Vísir greindi frá því í dag að tveir hópar ungra pilta hefðu mæst í áflogum og stunguárásin orðið í kjölfarið.

mbl.is