Von úti um sumarveður í ágúst

Von um að sumarið komi með síðari hluta ágústmánaðar, er senn á enda, ef marka má tíu daga spá Evrópsku reiknimiðstöðvarinnar. Spáð er bæði skarpara og kaldara veðri næstu tíu daga en verið hefur síðustu vikur. 

Frétt af mbl.is

Kaldasta byrjun ágústmánaðar á þessari öld

Einar Sveinbjörnsson veðurfræðingur greinir frá þessu. Hann segir þó ekki víst að sumarið sé þar með búið. „Við sjáum ekki fram í september.“

Geri hagstæðar vindáttir í september, ætti að vera af nægu sumarlofti að taka við austurströnd Norður-Ameríku. Því sé ekki hægt að útiloka hlýindakafla framan af í september. 

Einar Sveinbjörnsson veðurfræðingur.

Svalara frá og með deginum í dag

Sumarveðrátta hefur verið ágæt norðan- og austanlands síðustu vikuna, að mati Einars.  Hámarkshiti flesta daga hefur náð um eða yfir 20 gráðum.

Ekki verður það sama sagt um suður- og vesturhluta landsins. Þar hefur verið þungbúið, einkum þegar blæs úr suðri og suðvestri. Frá og með deginum í dag verður smám saman svalara í landinu.

Frétt af mbl.is

Léttir til sunnan- og vestanlands í kvöld

Rok og rigning um miðja vikuna

Spáð er stroku af mildu lofti og skilum djúprar lægðar úr suðvestri um miðja vikuna. Það þýðir að loft hlýnar eilítið, en á móti kemur hvassviðri úr suðaustanátt og rigning á sunnanverðu landinu. 

Þeirri lægð er spáð til austur fyrir sunnan landið og beinir í lokin til okkar lofti úr norðri og norðvestri. 

Fyrir norðan kann að haldast þurrt þrátt fyrir lægðina.

8 til 10 stig að jafnaði á suðvesturhorninu

Gera má ráð fyrir 8 til 10 stiga hita að jafnaði næstu tíu daga, á suðvestanverðu landinu. Á hálendinu er við búið að hiti verði í kringum 4 til 6 stig. Fyrir norðan og austan verður hitinn breytilegur „en svalir dagar þegar frá líður.“

Eftir 20. ágúst fer að hausta í háloftunum, ef marka má langtímaspár, einkum yfir Grænlandi. 

Þá bendir Einar á að sjá megi stækkandi bláan blett með lágri þykkt, sem sé merki um kólnandi veður á norðurhjara jarðar, enda sól tekin að lækka á lofti. 

• Blogga um frétt