Rétt til þátttöku í formannskosningu eiga landsþingsfulltrúar samkvæmt rafrænni kjörskrá.
Um 60% atkvæðabærra fulltrúa hafa greitt atkvæði í kosningu til formanns stjórnar Sambands íslenskra sveitarfélaga sem hófst á mánudaginn. Þetta kemur fram í tilkynningu frá sambandinu.
Í kjöri eru Heiða Björg Hilmisdóttir borgarfulltrúi og Rósa Guðbjartsdóttir, bæjarstjóri í Hafnarfirði.
Kosning mun standa til kl. 12:00 á hádegi mánudaginn 29. ágúst.
Breytingar voru gerðar á samþykktum sambandsins á seinasta kjörtímabili sem fela í sér að formaður Sambands íslenskra sveitarfélaga er nú kjörinn með beinni rafrænni kosningu en ekki á landsþingi eins og tíðkast hefur.
Rétt til þátttöku í formannskosningu eiga landsþingsfulltrúar samkvæmt rafrænni kjörskrá.