Katrín Jakobsdóttir forsætisráðherra segir að varast beri að draga of miklar ályktanir af því að verðbólga hafi nú lækkað niður í 9,7 prósent, en þó séu það jákvæð teikn um framhaldið.

„Það eru auðvitað jákvæð teikn ef við sjáum það að þær aðgerðir sem hefur verið gripið til séu farnar að bera árangur, að aðgerðir Seðlabankans á húsnæðismarkaði beri árangur og að markaðurinn sé að verða stöðugri,“ segir Katrín í samtali við mbl.is.

„Húsnæðismarkaðurinn er mjög stór þáttur í því sem hefur drifið áfram verðbólgu, við erum hins vegar líka stödd í ákveðnu alþjóðlegu samhengi þar sem verðbólga fer með himinskautum, bæði austan hafs og vestan, þannig að þetta er ekki eingöngu innanlandsmál.“

Frétt af mbl.is

Árangur í baráttunni við verðbólguna

Lækkun á olíuverði og ró á húsnæðismarkaði

„Við erum með þessi jákvæðu teikn að það sé að komast ákveðin ró á húsnæðismarkaðinn sem mögulega hefur eitthvað að segja inn í þetta, ásamt lækkandi olíuverði.“

Telur hún að aðgerðir sem gripið hefur verið til á vettvangi ríkisfjármála og peningastefnu skipti máli til þess að ná tökum á verðbólgunni.

„Það er auðvitað mjög alvarlegt mál fyrir allt launafólk í landinu ef við náum ekki tökum á verðbólgunni,“ bætir hún við.

„Við skulum varast að draga of miklar ályktanir fyrr en lengra er komið inn í haustið.“

Frétt af mbl.is

Verðbólga lækkar í 9,7 prósent

Tengdar fréttir

Vextir á Íslandi

Telur forsendur fyrir vaxtalækkun

• Arion banki hækkar vexti
• „Á réttri leið en nokkuð í land ennþá“
• „Skýr skilaboð til Seðlabankans“
• „Okkur miðar í rétta átt“

» Fleiri tengdar fréttir

Húsnæðismarkaðurinn

Nýjar íbúðir á Völlunum rjúka út

• Gerir ráð fyrir 150 samningum í næstu viku
• Ekki byggt í takt við áform sveitarfélaga
• „Maður sefur ekki á næturnar“
• „Það er skiljanlegt að þolinmæði þeirra sé lítil“

» Fleiri tengdar fréttir

• Blogga um frétt