Traðkaði margsinnis á höfði fórnarlambsins
Setja bókamerki
Magnús Aron Magnússon, sem varð manni að bana í Barðavogi í Reykjavík í júní, réðst fyrst á manninn inni á stigagangi heimilis þeirra beggja og síðan fyrir utan húsið, að því fram kemur í ákæru yfir honum og mbl.is hefur undir höndum. Magnús er ákærður fyrir manndráp.
Fyrir utan húsið sparkaði og kýldi Magnús manninn ítrekað og náði honum niður á jörðina. Hélt hann áfram að kýla og sparka í hann þar sem hann lá á jörðinni, traðkaði margsinnis á höfði hans, andliti og brjóstkassa, með þeim afleiðingum að hann hlaut meðal annars útbreitt heilamar, innkýlt brot í fremri kúpugróf, fjölbrot á neðri kjálka, kinnbeinum, nefbeinum og tungubeini og mjúkvefjablæðingar.
Samkvæmt ákærunni lést maðurinn af völdum höfuðáverkans og áverka á andliti sem torveldaði öndun.
Ættingjar mannsins; systkini hans, faðir og börn krefjast miskabóta upp á þrjár milljónir króna hvert. Jafnframt er krafist bóta fyrir hönd ólögráða barna hans vegna missis framfæranda. Annars vegar rúmra þriggja milljóna króna og hins vegar rúmra sjö milljóna króna. Þá er þess krafist að Magnús greiði útfararkostnað og málskostnað.
Magnús tók afstöðu til ákærunnar þegar málið var þingfest í Héraðsdómi Reykjavíkur í vikunni. Hann andmælti verknaðarlýsingunni og kröfum systkina hins látna um bætur. Hann féllst hins vegar á bótakröfu barna hans og föður.
Sáttur við sína stöðu og finnur fyrir meðbyr
Áverkar bentu til manndráps
„Þetta er pínu óvanaleg staða“
/frimg/1/48/63/1486389.jpg)
Halla ekki verið að taka harða afstöðu
Myndskeið: „Fólk var komið ískyggilega nálægt“
Lögreglan rannsakar andlát konu í fjölbýlishúsi
Átta morðmál á aðeins tólf mánuðum
Kosningabaráttan bara rétt að byrja