Tveir öflugir jarðskjálftar riðu yfir nú rétt fyrir klukkan átta á Norðurlandi.
Samkvæmt mælingum Veðurstofu Íslands var sá fyrri af stærðinni 4,4 og mældist hann um 15 kílómetrum frá Grímsey. Hinn mældist nálægt Húsavík og var 3,6 að stærð.
Á síðasta sólarhring hafa mælst 1.600 skjálftar á Norðurlandi og hefur skjálftavirknin verið stöðug frá því að hrinan hófst 7. september.