„Hafa verið stærri og fleiri skjálftar en venjulega“
Ísak Gabríel Regal
Setja bókamerki
„Við erum ýmsu vön, en mér finnst þetta búið að vera heldur mikið núna. Þetta hefur verið mjög ört í dag og alveg þannig að maður hefur verið að finna þá,“ segir Halla Ingólfsdóttir, um jarðaskjálftahrinu austan við Grímsey en hún rekur ferðaþjónustufyrirtækið Arctic Trip í eyjunni.
Greint var frá því í dag að Ríkislögreglustjóri hefði, í samráði við lögreglustjórann á Norðurlandi eystra, lýst yfir óvissustigi almannavarna vegna jarðskjálftahrinu úti fyrir Norðurlandi.
Mælst hafa um 2600 jarðskjálftar frá því að skjálfti að stærð 4,9 reið yfir í gær 8. september.
„Auðvitað er manni ekki sama“
„Ég segi ekki að við séum skíthrædd en þeir sem búa hérna segja að þau séu orðin vön jarðskjálftum á haustin en þeir hafa verið fleiri og stærri en venjulega. Venjulega eru þeir 1 eða 2 að stærð,“ segir Halla sem hefur búið meira og minna í Grímsey síðastliðin 25 ár og segist alveg hætt að finna fyrir þessum minni skjálftum.
„Auðvitað er manni ekki alveg sama, alls ekki sérstaklega núna þegar er verið að tala um að það gæti farið að gjósa,“ bætir Halla við en eldfjalalfræðingurinn Þorvaldur Þórðarson sagði í gær að ekki væri hægt að útiloka neðansjávargos á svæðinu þó að ekkert bendi til þess eins og staðan er núna.
Spurð hvernig túristum í eyjunni lítist á blikuna segir Halla að sumir séu hræddir en aðrir spenntir.
Hjón sluppu með skrekkinn
Kveðst tala af virðingu: „Ég er enginn dóni“
Starfsfólk gæti fengið reikning frá Skattinum
Mikil skjálftavirkni á landinu áhyggjuefni
Markaðurinn hitnar og leiguverð hækkar hratt
Fjárfestingin 115 milljarðar króna