Tveir öflugir skjálftar á sömu mínútu
Setja bókamerki
„Þetta er venjuleg jarðskjálftahrina eins og hefur orðið þarna oft áður, en það er auðvitað alltaf jafn óþægilegt að upplifa það,“ segir Sigríður Magnea Óskarsdóttir, náttúruvársérfræðingur hjá Veðurstofu Íslands, í samtali við mbl.is.
Jarðskjálfti að stærð 4,1 reið yfir suðvestur af Kolbeinsey laust eftir klukkan sjö í kvöld. Á sömu mínútu mældist 3,6 stiga skjálfti suðaustur af Grímsey. Eru þetta tölur sem fram koma í óyfirförnum frumniðurstöðum Veðurstofi Íslands.
Mbl.is greindi frá því fyrr í dag að varðskipið Þór myndi halda norður og standa vaktina við Grímsey, en síðan í gær hefur skjálftahrina riðið yfir á svæðinu og var óvissustigi almannavarna lýst yfir.
Klukkan hálf fimm í dag höfðu 2105 skjálftar riðið yfir frá miðnætti. Nokkrir skjálftar hafa mælst yfir stærð þrjá.
Að sögn Sigríðar má búast við því að jörð haldi áfram að skjálfa á næstu dögum.
„Tíminn er runninn út fyrir Kristján Loftsson“
Slökkva í síðustu glæðunum á morgun
Allar rúður brotnar hjá Fiskikónginum
Myndskeið: Braut rúðurnar og rölti svo í burtu
Benda á Samgöngustofu sem bendir út í heim
Aukin tíðni þungunarrofa hjá yngsta aldurshópnum
„Við eigum hvergi heimili“
Hjón sluppu með skrekkinn