Ekki búin að ákveða hvort hún gefi kost á sér
Setja bókamerki
Sólveig Anna Jónsdóttir, formaður Eflingar, hefur ekki ákveðið hvort hún muni gefa kost á sér í embætti annars varaforseta Alþýðusambands Íslands (ASÍ). Kosið verður í forystu sambandsins á þingi þess sem fer fram dagana 10. til 12. október.
Líkt og mbl.is hefur greint frá vill Ragnar Þór Ingólfsson, formaður VR, að Sólveig Anna verði annar varaforseti ASÍ. Ragnar er sjálfur í framboði til forseta ASÍ.
Mun hvetja Eflingarfélaga til að kjósa Ragnar
„Ég þakka Ragnari Þór kærlega fyrir traustið. Ég gleðst yfir því að hann hafi gefið kost á sér og mun styðja hann og hvetja Eflingarfélaga til að gera slíkt hið sama,“ segir Sólveig Anna í samtali við mbl.is.
„Ég hef enn ekki ákveðið hvað ég ætla að gera,“ bætir hún við.
Þú er þá mögulega að íhuga framboð?
„Þetta er svarið. Ég hef ekki ákveðið hvað ég ætla að gera,“ segir Sólveig Anna.
Tveir boðið sig fram í varaforseta
Enn sem komið er hefur enginn boðið sig fram í embætti annars varaforseta ASÍ, en varaforsetarnir eru þrír talsins.
Vilhjálmur Birgisson, formaður Verkalýðsfélags Akraness og Starfsgreinasambandsins, sækist eftir því að verða þriðji varaforseti ASÍ.
Þá sækist Kristján Þórður Snæbjarnarson, formaður Rafiðnaðarsambands Íslands, eftir því að verða fyrsti varaforseti ASÍ. Ásamt því að vera formaður Rafiðnaðarsambands hefur Kristján Þórður gegnt embætti forseta ASÍ síðan að Drífa Snædal sagði af sér embættinu þann 10. ágúst.
Moses Hightower og Prins Póló gefa út eyjalag
Katrín: Jóhönnustjórnin talaði máli Íslands
Bifreið ekið á skrifstofu Útlendingastofnunar
Segir nýtt frumvarp gefa eldisfyrirtækjum auðlindir
Fara ekki lengur fram á einangrun yfir Davíð
Myndskeið: „Fólk var komið ískyggilega nálægt“
Fiskikóngurinn: „Mér fannst sárt að heyra það“
Myndir: Reynir við heimsmet í Hlíðarfjalli í dag