Til Lundúna á morgun vegna útfarar Elísabetar

Guðni Th. Jóhannesson og Eliza Reid.
Guðni Th. Jóhannesson og Eliza Reid. mbl.is/Unnur Karen

Forseti Íslands, Guðni Th. Jóhannesson, og Eliza Reid forsetafrú halda á morgun til Lundúna og taka þar þátt í dagskrá vegna andláts Elísabetar II. Bretadrottningar.

Þetta kemur fram í tilkynningu frá skrifstofu forseta Íslands.

Á sunnudagskvöld býður Karl II. Bretakonungur til móttöku í Buckinghamhöll. Daginn eftir fer útför Elísabetar II. Bretadrottningar fram frá Westminster Abbey.

Að henni lokinni sækja forsetahjónin móttöku utanríkisráðherra Bretlands í Church House við Dean’s Yard í Westminster.

Forsetahjónin fljúga aftur til Íslands á mánudagskvöld.

mbl.is