Málverk af fyrrverandi seðlabankastjóra

Málverk af Davíð Oddssyni, ritstjóra Morgunblaðsins og fyrrverandi seðlabankastjóra, var afhjúpað við athöfn í Seðlabankanum í gær. Listamaðurinn Stephen Lárus Stephen málaði verkið.

„Ég er alveg viss um að það mun enginn maður vera andvígur því að þetta hafi gerst, því það er mjög gott að réttlæta það með margvíslegum hætti. Þeim sem finnst sjálfsagt að hefð samkvæmt sé máluð mynd af seðlabankastjóra munu vera ánægðir með það og hinir, sem eru það ekki, munu segja að það sé fyrir löngu kominn tími til að afhjúpa þennan karl,“ sagði Davíð léttur í bragði þegar málverkið var afhjúpað og bætti við að hann væri mjög ánægður með listaverkið.

Nánari umfjöllun má finna í Morgunblaðinu í dag.