Þarf yfirvegaða umræðu um öryggisgæslu á Alþingi
Setja bókamerki
Jón Gunnarsson dómsmálaráðherra segir í samtali við mbl.is að engar sérstakar ákvarðanir hafi verið teknar um frekari vopnaburð lögreglu eða öryggisgæslu á Alþingi eða á öðrum stofnunum en „það verður farið yfir öll þessi mál í framhaldi af þessu [hryðjuverkaógninni í gær].“
„Við þurfum að taka það til yfirvegaðar umræðu og átta okkur á þessum veruleika sem er að einhverju leyti nýr fyrir okkur og bregðast við því með viðeigandi hætti,“ segir Jón.
Áskoranir í „nýjum veruleika“ eru meðal annars þær sem snúa að þrívíddarprentuðum íhlutum í vopn og innflutningi á pörtum af vopnum.
Dr. Paolo Gargiulo, prófessor í heilbrigðisverkfræði við Háskólann í Reykjavík, sagði í samtali við mbl.is í gær að jafn auðvelt væri að prenta byssur með þrívíddarprentara og að setja upp iPhone.
Er einhver raunhæf leið til þess að fylgjast með þrívíddarprentuðum íhlutum í vopn eða innflutta hluti í vopn sem eru kannski ekki einir og sér ólöglegir?
„Það er augljóst að þetta flækir mjög alla möguleika á eftirliti, það blasir við. Það er eitthvað sem þarf að skoða og sjá til hvaða ráðstafana við getum gripið. Við erum ekki eyland í þessu samhengi, þessi ógn steðjar að öllum okkar samstarfs- og nágrannalöndum,“ segir Jón.
Hafa samþykkt kaup fyrir um 9,2 milljarða
Þrjú og hálft ár fyrir skotárás í Úlfarsárdal
Kvikan virðist nú skiptast til helminga
„Tíminn er runninn út fyrir Kristján Loftsson“
„Þögnin er ærandi“
Ofsóttur innan veggja Boeing
„Menn eru bara búnir að forgangsraða“