Vill meiri umræðu vegna ástandsins í Íran
Setja bókamerki
Hátt í sextíu manns komu saman til þess að sýna samstöðu með mótmælendum í Íran í gær, en annar eins samstöðufundur fer fram í fyrramálið fyrir utan Alþingishúsið milli klukkan níu og ellefu.
Muhammed Amiri, einn skipuleggjenda mótmælanna, kom til Íslands árið 2018 sem flóttamaður frá Íran. Fjölskylda hans er enn í Íran og tekur þátt í mótmælunum þar. Reglulega er netsamband rofið og þar með öll tenging fólksins í Íran við umheiminn.
Mikilvægt er að vekja athygli á því sem sé að eiga sér stað í Íran, að sögn Muhammed. Með því að boða til fundarins að morgni á virkum degi vonast hann til þess að ná athygli ráðamanna meðan Alþingi er að störfum.
Vill að ráðherrar beiti sér
Hann telur að of lítil umræða eigi sér stað vegna þess sem sé að gerast í heimalandi hans um þessar mundir. Þá vill hann að ráðherrar ríkisstjórnarinnar beiti sér fyrir því að vekja athygli á ástandinu á alþjóðavettvangi.
„Fólkið í Íran er að mótmæla þessari einræðisstjórn sem hefur verið við lýði allt of lengi. Fólkið vill frelsi. Konurnar neita því að láta neyða sig til þess að bera hijab-höfuðslæðu. Stelpa var pyntuð af lögreglunni í Íran fyrir að vera ekki með höfuðslæðu. Hún lét lífið vegna þess að hár hennar var ekki hulið,“ segir Muhammed.
Veiting hvalveiðileyfis ekki brot á EES-samningi
Beint frá Kína
„Skýr skilaboð til Seðlabankans“
Handteknir eftir myndatöku í Vesturbæjarlaug
Vélsleðaslys: Þyrlan kölluð út á mesta forgangi
Skiptir miklu meira máli en fólk grunar
Æskuvinur Íslendings myrtur í Noregi
Hernaðaraðstoð samþykkt – Vopnasendingar í vikunni