Gunn­ar Hörður Garðars­son sam­skipta­stjóri rík­is­lög­reglu­stjóra segir í samtali við mbl.is að ekki standi til að gefa upplýsingar um hryðjuverkamálið nema á upplýsingafundum lögreglu.

„Við ætlum að reyna að halda okkur við þessa upplýsingafundi og þar gefum við út nýjar upplýsingar um málið og við munum ekki gefa komment utan þeirra að svo stöddu. Við ætlum að reyna í þessu máli, þótt það sé gífurlega mikið af efni sem þarf að rannsaka, að upplýsa eins mikið og við getum á þessum fundum,“ segir Gunnar.

Hann gat ekki tjáð sig um það hvort fjölmiðlar hefðu farið með rétt mál, en ýmsar upplýsingar hafa komið fram frá ónafngreindum heimildarmönnum fjölmiðla, sem ekki hafa verið staðfestar af lögreglu.

Gunnar segir að næsti fundur verði líklega á miðvikudaginn eða jafnvel fyrr.

Tengdar fréttir

Ákært fyrir hryðjuverk

Hryðjuverkamálinu áfrýjað til Landsréttar

• Ekki búið að áfrýja málinu: Vika til stefnu
• „Þetta var ekkert grín“
• Hryðjuverkalöggjöfin geti verið endurskoðuð
• Ríkið greiðir bróðurpart málsvarnarkostnaðar Sindra og Ísidórs

» Fleiri tengdar fréttir

• Blogga um frétt