Gæsluvarðhald framlengt um tvær vikur
Setja bókamerki
Héraðsdómur Reykjavíkur féllst í dag á beiðni héraðssaksóknara um að framlengja gæsluvarðhald yfir karlmanni, sem er grunaður um aðild að ætluðum undirbúningi hryðjuverka, um tvær vikur. Lögmaður mannsins hefur kært úrskurðinn til Landsréttar.
Þetta staðfestir Ólafur Þór Hauksson héraðssaksóknari í samtali við mbl.is.
Fjórir voru handteknir í aðgerðum lögreglu miðvikudaginn 21. september. Tveir voru úrskurðaðir í gæsluvarðhald og átti gæsluvarðhaldsúrskurður yfir þeim báðum að renna út í dag.
Í gær var greint frá því að héraðssaksóknari myndi fara fram á áframhaldandi gæsluvarðhald yfir mönnunum tveimur. Ólafur vildi ekki gefa upp hvað yrði farið fram á langt varðhald.
Hinn maðurinn verður leiddur fyrir dómara í dag og mun úrskurður héraðsdóms liggja fyrir síðar.
Sárt að horfa upp á illa meðferð fjármuna
Innviðir þandir og álagið „gríðarlegt“
Bjarkey stendur við skammarbréf Svandísar
Þrjú og hálft ár fyrir skotárás í Úlfarsárdal
Segjast hafa skotið niður langdræga sprengjuvél
Hafa samþykkt kaup fyrir um 9,2 milljarða
„Menn eru bara búnir að forgangsraða“