Tveir enn í varðhaldi vegna manndráps
Mennirnir tveir hafa verið úrskurðaðir í varðhald.
mbl.is/Eggert Jóhannesson
Setja bókamerki
Tveir einstaklingar, sem eru grunaðir um að hafa átt þátt í manndrápi á Ólafsfirði á mánudaginn síðastliðinn, sitja enn í gæsluvarðhaldi.
Óskaði lögregla eftir gæsluvarðhaldi yfir þremur einstaklingum síðastliðinn mánudag en síðan þá hefur einum verið sleppt.
Rannsókn er í fullum gangi og miðar vel, að því er fram kemur í tilkynningu á Facebook-síðu lögreglunnar á Norðurlandi eystra.
Einn látinn laus
Mánudaginn 3. október var gerð krafa um gæsluvarðhald yfir þremur einstaklingum, er hafa réttarstöðu sakbornings í málinu, og úrskurðaði Héraðsdómur Norðurlands eystra þá alla í vikulangt gæsluvarðhald.
Tveir þeirra kærðu úrskurðinn til Landsréttar og seinnipart miðvikudagsins staðfesti Landsréttur gæsluvarðhald yfir öðrum. Var hinn látinn laus í kjölfarið.
Krufningu lokið en margt óljóst
Skýrslutökur yfir sakborningunum hafa staðið yfir í gær og í dag og þá hefur réttarkrufning farið fram á hinum látna. Ekki er vitað hvenær niðurstöður hennar liggja fyrir en það getur tekið nokkrar vikur að sögn lögreglu.
Rannsókn lögreglu miðast að því að leiða í ljós hvað átti sér stað í umrætt sinn en enn eru ýmsir þættir málsins óljósir. Rannsókn beinist meðal annars að því að upplýsa þá.
Tveir í bílnum sem lenti utan vegar
Handteknir eftir myndatöku í Vesturbæjarlaug
Æskuvinur Íslendings myrtur í Noregi
„Það þarf að vinna mikinn fjölda upp“
Banna mengandi búnað sem leyfður er á Íslandi
Vélsleðaslys: Þyrlan kölluð út á mesta forgangi