Gul viðvörun vegna veðurs tekur að öllu óbreyttu gildi á morgun fyrir Vestfirði, Strandir, Norðurland vestra og Norðurland eystra, að því er fram kemur á vef Veðurstofunnar.

Búið er að spá norðan- og norðaustanátt 13-20 m/s með rigningu, slyddu eða snjókomu.

Í gildi á morgun og fram á sunnudag

Erfið akstursskilyrði verða vegna takmarkaðs skyggnis og snjóþekju, sér í lagi á fjallvegum. Er fólki bent á að kanna aðstæður á vegum áður en lagt er af stað og fylgjast með veðri og veðurspám.

Búist er við að viðvörunin taki gildi klukkan 11 á morgun á Vestfjörðum, klukkan 13 á Ströndum og Norðurlandi vestra og klukkan 18 á Norðurlandi eystra. Verður hún í gildi til klukkan 14 á sunnudag.

Veðurvefur mbl.is

Tengdar fréttir

Óveður í október 2022

Vatnselgurinn upp um niðurföll

• Björguðu „bjartsýnum“ ferðamönnum uppi á heiði
• Fólk betur undirbúið fyrir óveðrið
• Bárðdælingar enn á varaafli
• „Við stjórnum ekki veðrinu“

» Fleiri tengdar fréttir

• Blogga um frétt