Aðalmeðferð í máli Þórðar Snæs Júlíussonar, ritstjóra Kjarnans, og Arnars Þórs Ingólfssonar, blaðamanns á Kjarnanum, gegn Páli Vilhjálmssyni, blogg­ara og kenn­ara, fer fram í Héraðsdómi Reykjavíkur 27. febrúar á næsta ári. Þetta kom fram í fyrirtöku í Héraðsdómi Reykjavíkur í dag.

Páll er kærður fyr­ir ærumeiðandi aðdrótt­an­ir. Hann sagði blaðamenn­ina „eiga aðild, beina eða óbeina, að byrlun Páls skip­stjóra Stein­gríms­son­ar og stuldi á síma hans“ í tengsl­um við um­fjöll­un um „skæru­liðadeild“ Sam­herja.

Frétt af mbl.is

Stefna Páli fyrir ærumeiðandi aðdróttanir

„Staðan í málinu er að þessi ummæli voru látin falla og búið er að málhluta þeim. Aðalmeðferð fer fram 27. febrúar,“ segir Vilhjálmur Hans Vilhjálmsson, lögmaður Þórðar og Arnars í málinu.

Hann segir að búið sé að leggja fram þau gögn sem verður notast við í málinu.

„Svo var gerður þessi fyrirvari ef að það kemur einhver speki frá handhöfum opinbers valds að þá er áskilinn réttur að leggja það fram að hálfu beggja,“ segir Vilhjálmur.

Sigurður G. Guðjónsson, lögmaður Páls, vildi ekki tjá sig um málið.

Tengdar fréttir

Samherji í Namibíu

Kærur Þórðar Snæs og Aðalsteins endanlega felldar niður

• Fimm manns í tíu daga í Namibíu
• Aðstoða stjórnvöld í Namibíu
• Fimm manns frá héraðssaksóknara staddir í Namibíu
• Réttarhöldum í Samherjamálinu í Namibíu frestað

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Bloggarinn og Namibíubókin: hótanir og aðgerðir