VR, Lands­sam­band ís­lenskra versl­un­ar­manna (LÍV) og Starfs­greina­sam­band Íslands (SGS) ákváðu í gær að vísa kjaraviðræðum sín­um við Sam­tök at­vinnu­lífs­ins (SA) til rík­is­sátta­semj­ara. Ragn­ar Þór Ing­ólfs­son formaður VR seg­ir það mik­il von­brigði að SA hafi ekki sýnt þeirri viðleitni VR, SGS og LÍV að ljúka kjaraviðræðum fljótt og vel meiri skiln­ing. „Við lögðum mikla áherslu á að gera al­var­lega at­lögu að því að ná sam­an um kjara­samn­ing og við vor­um í góðri trú með að það sama væri hjá Sam­tök­um at­vinnu­lífs­ins. Síðan kom í ljós að sú stefna er ekki fyr­ir hendi að nálg­ast þess­ar viðræður af al­vöru,“ seg­ir Ragn­ar Þór.