Varðberg, samtök um vestræna samvinnu og alþjóðamál, Alþjóðamálastofnun Háskóla Íslands í samvinnu við Nýja norræna samstarfshópinn um öryggismál á norðurslóðum og Konunglega danska varnarmálaháskólann, standa fyrir opnu malþingi í Auðarsal í Veröld – húsi Vigdísar í dag.

Yfirskrift málþingsins er Umskipti í öryggismálum á Norðurslóðum og hefst klukkan 16.

„Öryggisumhverfi norðurslóða hefur tekið örum breytingum á liðnum misserum vegna áhrifa loftslagsbreytinga og innrásar Rússa í Úkraínu. Eru þessar breytingar þess eðlis að þær réttlæti skjót umskipti á sviði öryggismála? Eða eru þessi umskipti eðlilegt framhald í ljósi ríkjandi viðhorfa í stjórnmálum og öryggismálum?“ segir í lýsingu viðburðarins.

Setningarávörp flytja Njáll Trausti Friðbertsson, alþingismaður og formaður Varðbergs og Pia Hansson, forstöðumaður Alþjóðamálastofnunar.

Auk þess verða frummælendur eftirfarandi:

• Gunhild Hoogensen Gjørv, prófessor við Norðurslóðaháskólann í Noregi.
• Jeppe Strandsbjerg, lektor, Nuuk, Konunglega danska varnarmálaháskólanum.
• Rasmus Gjedssø Bertelsen, Nansen-prófessor við Háskólann á Akureyri.
• Fundarstjóri: Björn Bjarnason, fyrrv. ráðherra og alþingismaður

Dagskrá málþingsins

Tengdar fréttir

Varnarmál Íslands

Algjör kaflaskil í sögu NATO

• Ráðuneytið gerði samning við Varðberg
• Engin stefnubreyting af hálfu Íslands
• Verjast þarf ágengni Rússa
• Meta þörfina á endurskoðun varnarmála

» Fleiri tengdar fréttir

• Blogga um frétt