Maðurinn sem lést í umferðarslysi á horni Barónsstígs og Grettisgötu á laugardagskvöld var á sínu eigin rafhlaupahjóli. Þetta staðfestir Guðmundur Páll Jónsson lögreglufulltrúi hjá lögreglunni á höfuðborgarsvæðinu, í samtali við mbl.is.

Talið er að maðurinn sem lést hafi ekið inn í hlið rútunnar og hafnað undir henni. Um borð í rútunni voru á bilinu 20 til 30 farþegar sem margir hverjir þáðu áfallahjálp Rauða krossins.

Frétt af mbl.is

Fleiri vitni leita til Rauða krossins eftir slysið

Fyrr í dag var greint frá því að lögregla, ásamt rannsóknarnefnd samgönguslysa, rannsökuðu nú slysið; vettvang, tildrög og rafhlaupahjólið sjálft.  

Inntur eftir upplýsingum um gang mála segir Guðmundur þá rannsókn í farvegi.

„Við bara skoðum það, lögreglan skoðar það og kannar hvort það sé búið að rjúfa innsigli og annað.“

Tengdar fréttir

Banaslys á Barónsstíg

Rannsökuðu vettvang banaslyssins

• Virðist hafa ekið inn í hlið rútunnar
• Fleiri vitni leita til Rauða krossins eftir slysið
• Maður á þrítugsaldri lést í umferðarslysi
• Alvarlegt slys á Barónsstíg

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Varnarleysi gangandi og hjólandi er hættulegast.