Alls hefur tíu einstaklingum verið sleppt úr gæsluvarðhaldi í tengslum við árásina sem varð á Bankastræti Club í síðustu viku og eru gæsluvarðhaldsfangarnir vegna málsins nú sex talsins, að sögn Margeirs Sveinssonar, aðstoðaryfirlögregluþjóns hjá miðlægri rannsóknardeild lögreglu.

Hann segir rannsókn málsins miða vel, skýrslutökur séu vel á veg komnar og lögregla leiti nú ekki að neinum í tengslum við málið.

Þá hafi þrír verið handteknir vegna hefndarárása þar sem reyk- og eldsprengjum var m.a. kastað í húsnæði.

Varðandi hótanir um yfirvofandi hefndarárás í miðborg Reykjavíkur um helgina, segir Margeir lögreglu ekki telja að það stefni í slíkt. Þá sé fólk ekki hvatt til þess að forðast næturlífið.

„Ég ætla að vona að þessi vitleysa sé búin.“

Tengdar fréttir

Stunguárás á Bankastræti Club

Réðst á samfanga með heimagerðu eggvopni

• „Þá stakk ég þig í sjálfsvörn“
• Gæsluvarðhalds krafist áfram yfir einum
• Gæsluvarðhald framlengt til 17. janúar
• Óvíst hvort ákært verði í lekamálinu

» Fleiri tengdar fréttir

• Blogga um frétt