„Það gengur vonum framar að koma öllum fyrir. Það er enginn á götunni,“ segir Gylfi Þór Þorsteinsson, aðgerðastjóri vegna komu flóttafólks frá Úkraínu.

Frétt af mbl.is

Taka á móti allt að 1.500 flóttamönnum

Hann segir að tekist hafi að finna húsnæði fyrir alla þótt fjöldi hælisleitenda sé mun meiri nú en undanfarin ár.

Fjöldahjálparstöðin, sem var opnuð við Borgartún, verður opin næstu mánuði, að því er Gylfi telur.

„Fólk er aldrei lengur þar inni en í þrjá daga á meðan verið er að finna hentuga búsetu fyrir hvern og einn.“