Þór dró togskip til Reykjavíkur
Setja bókamerki
Varðskipið Þór var kallað út í gærmorgun vegna vélarbilunar í íslensku togskipi, Runólfi SH 135 frá Grundarfirði, og komu skipin um hádegisbil til Reykjavíkur í dag. Þetta staðfestir Ásgeir Erlendsson, upplýsingafulltrúi Landhelgisgæslunnar, í samtali við mbl.is.
Togarinn var staddur um 16 sjómílur vestur af Látrabjargi en nokkru síðar hafði skipstjórinn aftur samband við Landhelgisgæsluna vegna lítils háttar leka sem var kominn upp. Dælur um borð réðu þó við hann, að því er fram kemur í tilkynningu frá Landhelgisgæslunni.
Varðskipið Þór var við Bíldudal og var áhöfnin snögg á staðinn. Þór var kominn að togskipinu á ellefta tímanum í gærmorgun.
Varðskipsmenn skutu línu á milli skipanna og að því búnu var haldið áleiðis með togskipið til Reykjavíkur þangað sem skipin komu í dag.
„Eins og ef Alþingishúsið brynni hér“
Myndir: Stórbruni í Kaupmannahöfn
„Ef það er einhver einn lærdómur...“
Forsetafylgismenn dregnir í dilka
Ráðherra um árshátíðina: „Hljómar frekar hátt“
Stórbruni í Kaupmannahöfn: Børsen í ljósum logum