„Stríðið í Úkraínu hefur fært landið með skýrum og afdráttarlausum hætti inn í háskólastarf. Slíkt gerist á sviði rannsókna og miðlunar, samræðna og svo viðburða eins og nú verður efnt til,“ segir Jón Ólafsson, prófessor við hugvísindasvið Háskóla Íslands. Jón er í forsvari fyrir sérstakt verkefni sem hrundið hefur verið af stað innan HÍ með það fyrir augum að almenningur geti fræðst og aukið þekkingu sína á Úkraínu.