Máta mismunandi lausnir á fundum í dag
Setja bókamerki
Samningafundir Starfsgreinasambandsins (SGS) og fulltrúa samflots iðnaðar- og tæknifólks við Samtök atvinnulífsins (SA) hefjast klukkan eitt í dag hjá ríkissáttasemjara. Aðalsteinn Leifsson ríkissáttasemjari segist treysta því að samningsaðilar mæti vel undirbúnir.
„Ég ákvað að brjóta þetta aðeins upp í gær í samráði við samninganefndirnar. Ég vona að gærdagurinn hafi nýst mjög vel á ýmsum fundum víða. Ég var í góðu sambandi við alla samninganefndir og ég vona að við eigum góðan fund,“ segir hann í samtali við mbl.is.
Aðalsteinn gerir ráð fyrir að fundirnir í dag verði til klukkan sex en þeir gætu þó dregist á langinn. „Við sjáum til hvernig það þróast.“
Vinnugleði
Ertu bjartsýnn á að samningar náist í dag?
„Það er búið að eiga sér stað mjög ítarlegt samtal milli allra hópa og það er búið að fara í gegnum hagsmuni og stöðu ólíkra hópa – viðhorf, áherslur og framtíðarsýn. Þá hafa verið settar upp sviðsmyndir um mögulegar leiðir sem hægt er að fara og nú erum við komin á þann stað að vera að máta mismunandi lausnir,“ segir hann og bætir við að hann treysti því að allir komi mjög vel undirbúnir á fundina í dag.
„Og svo sjáum við hvernig það gengur.“
Aðalsteinn segir að ítarleg og góð vinna hafi farið fram hjá öllum samninganefndunum.
„Það hafa allir verið vel undirbúnir, mikið jafnræði og gott starf á milli nefnda. Við höldum áfram þessari vinnu og sjáum hvert það leiðir okkur,“ segir hann og nefnir að lokum að hann finni fyrir svokallaðri „arbejdslyst“ eða vinnugleði.
„Tíminn er runninn út fyrir Kristján Loftsson“
Hjón sluppu með skrekkinn
Mikil skjálftavirkni á landinu áhyggjuefni
„Þögnin er ærandi“
Stóraukið fé til samgöngusáttmála
Starfsfólk gæti fengið reikning frá Skattinum
„Það er skiljanlegt að þolinmæði þeirra sé lítil“