Þyrla Landhelgisgæslunnar var kölluð út í dag vegna sjóslyss við Garðskaga á Reykjanesi.
Maður hafði fallið fyrir borð á skipi norðvestur af Garðskaga en leit að honum stendur nú yfir.
Landhelgisgæslan vildi ekki veita frekari upplýsingar þegar mbl.is leitaði til hennar en segir tilkynningu væntanlega.
Í frétt Vísis um málið segir að allur tiltækur floti björgunarsveita sé á svæðinu í leitaraðgerðum ásamt tveimur þyrlum Landhelgisgæslunnar. Þá sé varðskipið Þór einnig væntanlegt.
Fréttin hefur verið uppfærð.